মায়াৱী জীৱন

✍️ ভূমিকা কন্দেৰ, (দ্বাদশ শ্ৰেণী)

      অসম বিদ্যাপীঠ উচ্চতৰ মাধ্যমিক বিদ্যালয়

      চাবুৱা।

গছৰ সকলো অংগ যে একে নহয়,

সেইয়া সৰি পৰা ফুলে দেখুৱাই দিয়ে;

লগত থকা সকলো মানুহ যে আপোন নহয়,

সেইয়া সময়ে শিকাই দিয়ে।

জিলিকি থকা সকলো বস্তু হীৰা নহয়,

সেইয়া এন্ধাৰতে ওলাই পৰে;

লগত থকা সকলো ব্যক্তি যে নিস্বাৰ্থ নহয়,

সেইয়া বিপদতে মনত পৰে।

মাতৃ অবিহনে জননী নহয়,

সেইয়া কৃষ্ণ লীলাই দেখুৱাই দিয়ে;

পিতৃ অবিহনে শূণ্যতাও অসম্ভৱ,

সেইয়া পঞ্চপাণ্ডৱৰ জীৱনীয়ে প্ৰমাণিত কৰে।

তেজৰ সম্পৰ্ক নথকাকৈও যে অন্তৰ মিলে,

সেইয়া যশোদা মাতৃয়ে দেখুৱাই দিয়ে,

একোজন ব্যক্তিয়েও যে ঈশ্বৰৰ ৰূপ লব পাৰে,

সেইয়া সত্যতা , নম্ৰতা গুণে প্ৰমাণিত কৰে।

(আপোনাৰ কবিতাবোৰো ইয়াত প্ৰকাশ কৰিবলৈ পালে আমি অত্যন্ত সুখী হ'ম। আমাৰ whatsapp নম্বৰ 7637961778 ত পঠিয়াই দিয়ে যেন।)